[A:74b]pa'i grwar zhugs kyang / /tshig tsam 'don pa'i ngal bas dus 'da' ba'i/ /blun po rnams kyis smad par ma gyur cig /'di sbyar dge bas gsung ngag yid bzhin nor/ /sems 'jal rtog pa'i byi dor gyis sbyangs te/ /thos bsam bsgom pa'i rgyal mtshan rtser bzhag nas/ /blo gsal mang po'i mdun sar bsngags par shog /'gro gsum mchod 'os thub bstan ganggA'i rgyun/ /nyes bshad 'phrog byed rkang pas ma bcos pa/ /bdag blo skal ldan shing rta la brten nas/ /srid mthar 'gro ba'i gdung ba sel bar shog /tshe rabs kun du dal 'byor gru bo che/ /'phags nor rin chen bdun ldan legs thob ste/ /'phrin las ba dan dkar po'i thabs mkhas kyis/ /rnam grol sku bzhi'i gling du bgrod par shog /ces gsung ngag lam 'bras kyi sgo nas 'gro ba rnams 'chi ba med pa'i gnas su 'dren par byed pa'i lam gyi srol rgyal po lta bu'i nang nas phyag len gyi rim pa'i cha shas phra mo dag la/ phyogs re ba'i blo can gzhan gyis brgal zhing brtags pa'i lan tshangs pa'i rigs sngags zhes bya ba sngar byas zin pa las/ slar yang de nyid kyi don bsdus pa'i tshigs su bcad pa 'di yang / khyab bdag 'khor lo'i mgon po dang dbyer ma mchis pa 'dren mchog chos kyi rgyal po ratna wardha la sogs pa yongs 'dzin chos bzhin du spyod pa mang po'i thugs rje'i spyan ras kyis 'tsho zhing / gsung gi bdud rtsis skal ba bzang por gyur pa shAkya'i dge slong dkon mchog lhun grub ces bgyi bas/ rnam 'gyur gyi lo cho 'phrul gyi zla ba'i dkar phyogs rdzogs pa gsum pa'i nyin kho na
bris rtsom gnyis ka rdzogs