[A:75a]par
la shrI e wa~M chos ldan gyi yon tan rin po che sgrog pa'i tshal gyi yang thog tu grub par byas pa'o//rnam dpyod zhe 'thung rus pa las byung ba'i/ /rtog spyod rnam 'gyur rtse brgya dang ldan pa'i/ /brgal lan 'di ni lha dbang rdo rje ste/ /log rtog brag ri rmang nas 'bebs byed yin/ /zhes bya bar rtogs par bya'o/ /'dis bstan pa spyi dang bye brag tu gsung ngag rin po che'i bstan pa phyogs thams cad du dar zhing rgyas pa'i rgyur gyur cig shu bha~M/ zhes pa de rnams kyis rje btsun mkhas pa'i gtsug rgyan dkon mchog lhun grub kyi gsung rab las 'byung tshul bshad pa bstan zin nas// ! //gsum pa snyan brgyud mkhas pa'i dbang po'i gsung rab las 'byung tshul bshad pa ni/ rje btsun sa skya pa'i snyan brgyud kyi bstan pa'i gsal byed chen po tshar chen chos kyi rgyal pos mdzad pa'i gsung ngag rin po che'i skabs brgyad la 'khrul pa spong ba rdo rje'i 'phrul 'khor gyi zegs ma zhes bya ba las 'di ltar 'byung ste/ bi dza nU/ kun khyab dga' chen rigs brgya'i bdag /mkhas btsun bzang po'i mchog gyur rje/ /rgyal bas lung bstan e wa~M pa/ /ngor chen rdo rje 'chang dbang rgyal/ /gong ma'i gsung rab padmo'i tshal/ /khyed kyi 'phrin las nyi gzhon gyis/ /legs par phye ba'i dri bsung ni/ /nam mkha'i pha mthar khyab pa la/ /rang sde nyung ngu'i phrag dog gis/ /myos pa'i me khyer srin bu dag /nga rgyal lus bskyod smre sngags kyis/ /dub rnams ngal bso'i bcud len sbyin/ /byang chub sems bskyed med pa dang / /rjes 'dzin mang po med pa dang / /sta