[A:75b]gon gcig las med pa dang / /lus dkyil bskyed gzhi med pa dang / /slob dpon gcig tu nges pa dang / /dbang chog lung khungs med pa dang / /rigs gtso'i rgyas 'debs med pa dang / /dpa' bo'i ston mo med pa rnams/ /rdo rje theg pa spyi dang ni/ /khyad par dpal ldan sa skya pa'i/ /bstan la gnad gcod bdud kyi tshig /yin phyir thos kyang rna ba dgag /ces rtsa tshig gi phyogs snga'i thugs rigs dang mthun par brjod nas/ de nyid kyi rang 'grel gyi lan gyi snying po phyung ba mdor bsdus te sbyor ngag tu bkod pa 'di ltar ro/ /smra ba dang po/ rje btsun chen pos mdzad pa'i yi ge'i steng nas maNDal tshom bu lnga pa la brten pa'i sems bskyed 'di byed mi rigs cing brgyud pa med pa'i bsgrub byed/ lam 'bras pa phyi ma 'ga' zhig gis yi ge 'di steng nas ma thob cing lag len la'ang mi byed pa'i phyir/ zhes par snang ba de ltar na rje btsun bsod nams rtse mo'i dbang chu'i steng nas kyai rdo rje'i dbang bskur byed pa mi 'thad cing brgyud pa med par thal/ 'phags pa rin po che'i zhal slob dam pa kun dga' grags/ dga' ldan pa kun bsod/ zhang dkon mchog dpal ba la sogs pas yi ge 'di'i steng nas ma thob cing / lag len yang mi byed pa'i phyir/ khyab pa mtshungs/ 'dod mi nus/ ma grub na der thal/ de dag 'phags pa rin po ches mdzad pa'i mngon dkyil rnams kyi steng nas byed pa las 'os med pa'i phyir/ de gnyis la nang gses kyi khyad par phra mo tsam las med do snyam na/ gong ma la'ang mtshungs te/ 'di dang dbu ma lugs kyi sems bskyed la nang gses kyi