[A:8a]brjod pa'i/ /rigs pa rnams kyang ltar snang zhing / /byang chub sems bskyed ma byas par/ /sngags lam 'jug pa med ces pa/ /lam 'bras dus kyi dbang bskur sngon/ /sems bskyed sngags lugs zhes bya sogs/ /sngar srol med pa'i khyad chos rnams/ /ma byas pa la skyon brjod mod/ /des na sta gon dus su sngon/ /sems bskyed gur nas bshad pa dang / /de'i yang sngon du sems bskyed tshul/ /dbang chu'i tshig gi zin gyur na/ /de dag sems bskyed min pa'am/ /yin kyang de 'dra'i sems bskyed kyi/ /go mi chod par smra na ni/ /yan 'gar dbang bskur byed tshe yang / /sems bskyed khyad chos byed dgos pas/ /rje btsun rnams la rgol ba'i phyir/ /de la bdag gi ci zhig bya/ /de nas dri tshig gnyis pa ni/ /thun mong lam gyi sngon 'gro ru/ /dbang bskur nges par dgos pa mtshar/ /snang gsum thun mong lam yin na/ /sngags lam kho nar 'dod nus sam/ /nus na mdo rgyud thams cad kyi/ /snying po bsdus pa yin no zhes/ /smra ba ne tso'i 'don pa ste/ /mdo sde'i snying po gang la byed/ /sngags lam yin na smin grol las/ /gzhan med smin byed yin nam ci/ /grol lam yin na lta ba yis/ /rgyas thebs rim gnyis 'khor bcas las/ /rgyud gzhung kun nas bshad pa med/ /rim gnyis gang du 'du ba smros/ /khrid tshul gnyis ka ma yin pa'i/ /lam 'bras phung po gsum pa zhig /rgyud gzhung dgongs par 'chad nus sam/ /zer ba'i lan du mgo mtshungs dang / /rnal ma'i lan gnyis dang po ni/ /de la snang