[A:8b]ba gsum po ni/ /thun mong lam yin shes byed med/ /yod na sngags lam yod dam ci/ /sngags lam yin na smin grol las/ /gzhan med smin byed yin nam ci/ /zhes sogs skyon brjod thams cad kyang / /rang la log pa ma yin nam/ /de lta min na snang ba gsum/ /mdo la kho nar 'dod nus sam/ /nus na mdo rgyud thams cad kyi/ /snying po bsdus pa yin no zhes/ /smra ba ne tso'i 'don pa ste/ /sngags kyi snying po gang la byed/ /gzhan yang lam 'bras lam rim 'di/ /sngags lam yin phyir smin grol las/ /gzhan med smin byed yin nam ci/ /grol lam yin na lta ba yis/ /rgyas 'debs rim gnyis 'khor bcas las/ /rgyud gzhung kun nas bshad pa med/ /rim gnyis gang du 'du ba smros/ /rdzogs rim yin na thabs rgyud kyi/ /bum dbang lam de gang du 'gyur/ /srin bu'i kha chus srin bu bzhin/ /rang gi tshig gi rang nyid ni/ /bcings par gyur pas mi ngal lam/ /phyis nas bag yod brten par rigs/ /gnyis pa nges pa'i lan du ni/ /snang gsum thun mong lam yin pa/ /nyes dmigs byams dang snying rje sogs/ /theg pa gzhan la'ang yod dam med/ /de ltar yin na lta khrid kyang / /thun mong 'gyur te de bas na/ /dbang bskur dang ni sngon 'gro yang / /phyis nas byed pa cis mi rigs/ /'dir ni thun mong ma yin te/ /bsgom pa gsum gyis zin pa'i phyir/ /khyad par lam 'bras khrid yin na/ /thun mong ma yin khrid du nges/ /lam 'bras min na tshig rkang du/ /lam 'bras 'bri zhes dam bcas nas/ /lam 'bras min pa bris gyur