[A:83b]dkyil 'khor rung ba dang / /dkyil 'khor bris te gzhan don phyir/ /snang ba zhu ba'i ched yin la/ /des ni sta gon gcig po des/ /legs par grub cing phyi ma gnyis/ /skabs babs byas tshe mngon rtogs brgyad/ /kun dang 'brel zhing rdul tshon gyi/ /dkyil 'khor gcig tu smin byed dbang / /lan gnyis bskur du mi rung na/ /mchog dbang gsum la'ang gcig nyid las/ /khyed kyi lung la mi rung ste/ /slob dpon lus la dkyil 'khor gsum/ /re re las gzhan med phyir zer/ /sta gon dang po gnyis po des/ /tshar re byas pa'i dgos pa des/ /dbang bskur phyi ma kun 'grub na/ /bdag mdun 'jug pa bum bsgrub sogs/ /kun kyang tshar res dbang bskur kun/ /'grub par 'gyur ste dgos pa mtshungs/ /khyed la'ang slob ma sta gon dang / /dngos gzhi grangs mnyam dgos pa'i phyir/ /rin 'byung man la bum chog re/ /dgos pa mtshungs shing rdul tshon gyi/ /dkyil 'khor gcig tu gshin po la/ /dbang bzhi nub drug bskur ba'i rjes/ /gshegs gsol dgos ltar lus dkyil gsum/ /gshegs gsol dgos pa'i rigs pa mtshungs/ /gshegs gsol rdul tshon gzhir bzhag nas/ /drug gam gcig kyang de bzhin yin/ /gzhan yang spros pa 'di skad du/ /rdul tshon dang ni ras bris gnyis/ smin byed gcig las mi rung mtshungs/ /ras bris sta gon bskyar rung na/ /rdul tshon la yang mtshungs mod kyi/ /bris zin ras bris dkyil 'khor dang / /sa 'dir dkyil 'khor bri zhes pa/ /'brel med phyir na bsgrub mchod kyang / /de la 'gal bar