[A:84a]'gyur zhes zer/ /ras bris dkyil 'khor gcig nyid du/ /dbang bskur yang yang rung ba ltar/ /rdul tshon yang yang 'degs 'jog sogs/ /shes na khyed ni rdzu 'phrul che/ /sa 'dir dkyil 'khor sogs kyi don/ /bsgrub bya yin gyi sgrub byed min/ /mdor na brgya phrag brgal ba la/ /dmigs nas sta gon gcig nyid kyi/ /dngos gzhi du ma rung gyur na/ /'o na sta gon gcig nyid kyi/ /tshe gang go chod 'gyur ba sogs/ /ha cang thal phyir log pa yin/ /rdul tshon dkyil 'khor gcig nyid du/ /lus rten gcig la zhag drug bar/ /dbang bskur rung gi zhag bdun nas/ /dkyil 'khor gsar du bris dgos pa/ /lus rten 'phos pa'i rigs pa yis/ /de 'dra'i dkyil 'khor gcig nyid du/ /dbang tshan tha dad gyur pa la/ /dbang bskur min zhing dkyil 'khor yang / /tha dad dgos par bsnyon med grub/ /'di yis khyed kyi grub mtha' de'i/ /ngan mtshang thams cad gtol ba yin/ /des na gzhan phan bdud rtsi'i lung / /spyi 'joms ril bu 'di brten na/ /lugs ngan rims nad cis kyang sel/ /slob dpon grangs nges med pa dang / /zhes par lan 'debs 'di skad smra/ /de la grangs nges mtha' gcig tu/ /med pa min yang dgag dgos kyi/ /grangs nges med mod gzhan du na/ /dpon slob mtshan nyid mi ldan gang / /der mi bzung sogs rgyud sde las/ /bshad pa thams cad yod na legs/ /med na de dag kun dang 'gal/ /dbang bskur rim gyis gcig car gnyis/ /dang po spros pa che ba'i