[A:84b]skabs/ /dbang stegs dngos su yod med gnyis/ /phyi ma phyag len dgag dgos gtso/ /slob 'khor nyung ngus re re nus/ /'phrin las che bas dgag dgos bsam/ /dbang chu'i dngos bstan rim can zer/ /bshad tshod thams cad kun gyi min/ /zer ba ngan 'gran phal pa'i lugs/ /'phrin las chen pos sla chos kyi/ /dbang bskur blun po bslu ba ste/ /dam pa rnams ni sdom gsum las/ /mdor na chos kyi ci byed soms/ /sangs rgyas byed na chos bzhin gyis/ /gsungs pa'i snying gtam yid la bcags/ /gzhan yang spros pa 'di skad du/ /dbang chu gnyis kyi dngos bstan la/ /mchog dbang gsum yang re rer gsungs/ /slob dpon dbang bskur bzhi ka'i ming / /mngon par rtogs pa'i ljon shing las/ /slob dpon dbang bskur rdzogs pa yis/ /mchog dang thun mong mngon rtogs kun/ /bsgrub par gsungs shing bum dbang tsam/ /thob pas rdzogs rim bsgom pa 'gal/ /dbang chu gnyis dang khyed nyid 'gal/ /dngos gzhi grangs nges sta gon dang / /sta gon rjes 'dzin ltos pa'i phyir/ /slob dpon dbang bskur dus gcig la/ /khyed kyi lugs la'ang 'dod dgos zer/ /slob dpon dbang bskur dbang chu yi/ /dngos bstan yin par gnyis ka mthun/ /dbang chu gnyis dang 'gal ba ci/ /slob dpon dbang ni dus cig la/ /khas len dgos pa chos grags kyi/ /nan gyis khyod 'di 'dod ces pa/ /gsal bar dbang phyug spyod pa yin/ /ji skad gsungs pa de 'drar shes/ /mdor na tshig rkang gsum po'i don/ /dbang chu'i