[A:85a]dngos bstan yin pa la/ /ji skad smras pa'i sun 'byin rnams/ /slob dpon dgag pa kho nar song / /de 'dra ngor pa chen po yang / /bzhed par dka' zhing snyoms las can/ /rjes 'brang 'ga' yi brdzun srib byas/ /mkhas pas slan chad ma byed cig /dbang bskur yongs dag med pa dang / /zhes pa brgal rtags 'di skad smra/ /bum dbang bdun gyi dbang rdzas la/ /yongs dag bzhi ru rje btsun gyi/ /gsungs pa spyi khyab yin na ni/ /gur gyi rgyan du dang po la/ /'khrul 'khor yongs su dag pa byas/ /rin 'byung man la slob dpon ni/ /mi bskyod gnas pas dbang bskur dang / /dbang chu gnyis las dang po lnga/ /slob dpon mi bskyod gnas par gsungs/ /rje btsun rang nyid nang 'gal dang / /dbang chu dgag par mdzad dam zer/ /slob dpon slob ma dbang rdzas gsum/ /rigs lngar bskyed pa 'dra ba'i mu/ /mi bskyod me tog phog pa'i lha/ /rigs lngar bskyed pa mi 'dra'i mu/ /slob ma de bzhin dang mtha' gnyis/ /rigs lngar so sor bskyed pa dang / /dang po mi bskyod phyi ma gnyis/ /rigs lngar bskyed pa gnyis min mur/ /mkhas pas bshad ltar thun mong dang / /lam dus bskyed chog thun mong min/ /yang na rgyu lam khyad par yin/ /de 'dra 'gal 'dod blo gros rtsing / /de phyir lam dus khyab mtha' 'dzin/ /gzhan yang sun 'byin 'di skad du/ /'khor gsum yongs dag bzhi yi don/ /slob dpon slob ma dbang rdzas gsum/ /bsnyen sgrub rgyas 'bring bzhi po las/ /man ngag lugs la brtul zhugs dang / /rdo rje