[A:85b]slob dpon dbang rdzas la/ /bsdus pa phyi ma sbyor ba ste/ /de yang dbang chur hU~M dang as/ /rdor dril skad cig bskyed pa yin/ /des na lam dus yi ge dang / /nged lugs 'gal ba ma yin no/ /rnam snang dbang rdzas med pa dang / /phyi ma gnyis la'ang gzhi med pas/ /mi 'gal brdzun zub ma yin nam/ rang nyes slob dpon ma bkod cig /rdor dril bskyed chog re 'dra ba/ /man ngag med pa'i 'ol spyod tsam/ /lam dus dbang gi yig chung dang / /khyed kyi lam dus mi 'gal na/ /dngos bstan min par yongs su grags/ /shugs bstan sgrub byed smra na yang / /rang bzo min pa khyed la med/ /dpyad na 'khrul par shes bzhin du/ /da dung phal cher re dogs byed/ /lus dkyil 'byung khungs med pa dang / /zhes par spros pa 'di ltar zer/ /'byung khungs zhes pa rtags kyi mthar/ /rkyen byin bsgrub pas buddha bzhin/ /bsgyur bas sangs rgyas las zhes 'byung / /sangs rgyas las ni chos 'byung ltar/ /a~M las rin 'byung 'byung zhes 'gyur/ /a~M yig las ni logs pa yi/ /rin 'byung bsgom pa 'gal ba ste/ /dkyil 'khor sku bzhi lhun grub yin/ /lte 'khor bzhi yang de bzhin te/ /a~M yig zhal phyag rnam par grub/ /de nyid rin chen 'byung ldan yin/ /rin 'byung yang ni rtsa yig gi /rnam par gnas pa a~M yig yin/ /go bas a~M las logs shig tu/ /rin 'byung bskyed pa'i dogs mi dgos/ /ngag 'don gang bde rung zhes zer/ /sa bon phyir na a~M yig las/ /logs su rin 'byung bsgom pa'i phyir/ /'byung khung ji skad bshad bzhin 'dod/