[A:86a] /phyogs snga ma long rang 'dod bris/ /gzhan du lung rigs gnod pa yod/ /sras don ma las rtsa med na/ /sprul sku 'byung ba'i rgyu med cing / /lam gyi gnas bsgyur sprul skur 'char/ /de bas rang bzhin lhun grub dang / /'gyur rung gnyis dgongs ru ni rtsa/ /sprul sku rang bzhin lhun grub bzhag /de ltar yang yang rung zhes bya/ /rigs pa a~M gi yi ge de/ /rin 'byung yin na ser sna yi/ /dri bral mnyam nyid ye shes 'gyur/ /des na hU~M sogs bzhi po yang / /ye shes bzhi ru ci mi 'gyur/ /sems can dri bral ye shes lnga/ /ldan phyir ha cang thal bar 'gyur/ /rang lus rgyal ba'i dkyil 'khor zhes/ /grags kyang gnad 'di shes pa dkon/ /'on te rang bzhin rnam dag la/ /bsam na zhal phyag rnam pa 'gal/ /bsgom pa'i blo ngo yin na ni/ /grub tshig smos pa 'gal ba yin/ /bsgrub gzhi rang bzhin lhun grub phyir/ /phyi dkyil dang ni mi 'dra zhes/ /mkhas mang mthun par kho bos mthong / /khyed kyi go lugs 'di ltar na/ /lus dkyil rtsod pa'ang spang bar dka'/ /gzhan yang 'di ltar smra bar byed/ /dang po'i las can 'ga' zhig gis/ /gsar du bskyed pa'i dogs bsal phyir/ /yi ge lha ru bsgom par gsungs/ /las tshig nor zhes 'dod pa min/ /rtse mos bhru~M sogs pho brang lnga'i/ /sa bon bshad pa de lnga'i lha/ /sa bon bskyed tshe bhru~M sogs dang / /lus dkyil yi ge lhar bsgom pa/ /don gnyis nyung ngu'i tshig gis bstan/ /bhru~M sogs lus dkyil sa bon du/ /gang du'ang bshad pa med ces zer/ /sa bon dang ni