[A:9a]na/ /rnal 'byor dbang phyug 'khrul lags sam/ /mdor na dbang bskur ma byas par/ /snang ba gsum gyi dkri ba'i tshe/ /nyams kyi snang ba'i rten la ni/ /khyad chos gsum gyi rgyud dag la/ /thos bsam dbang gis rgyud dag par/ /dgos pa gsungs na mi 'dod cing / /thun mong min pa'i nyams snang ni/ /rim gnyis bsgom pa las byung ba'i/ /nyams snang 'char tshul rnams gsungs na/ /gsang sgrogs 'gyur ba ma yin nam/ /thun mong yin na nyams bco lnga/ /sogs dang dag pa'i snang ba yi/ /bde bar gshegs tshul la sogs pa/ /mdo sde'i gsung rab gang na bshad/ /khyad par gzhung bzhin dkri ba ni/ /snang ba gsum gyis dkri gsungs nas/ /de rjes kho nar rgyud gsum gyi/ /dkri bar gsungs na bar skabs der/ /rgyu dbang bskur ba su yi lugs/ /dpyod ldan la la'i 'bel gtam gyi/ /blo gros rtog pa 'phel na yang / /'brel med gzhan la 'khu ba'i tshig /mang du smras pas ci zhig bya/ /de nas dri ba gsum pa ni/ /snang gsum lam gyi gzhi bca' dang / /rang rkang tshul du 'chad pa yi/ /khyad par gang yin gsal par smros/ /gzhi bca' zhes pa'i nges tshig ci/ /zer mod gzhi bca' rang rkang gnyis/ /go rim ji bzhin dkri ba dang / /skad don tshul du dkri ba yis/ /so so'i skabs su shes bya zhing / /gzhi yi nges tshig yod pa yis/ /lam dngos min par khas len na/ /rgyud gsum dkri ba'i skabs su gzhi/ /dam tshig la gnas zhes gsungs pas/ /dam tshig nyi shu lam yin par/ /khas len