[A:86b]bskyed pa la/ /skyogs bshad 'khrul pa'i rjes gnon yin/ /bhrUM sogs lus dkyil bskyed pa yi/ /sa bon 'di lngas byas pa yi/ /tsanDa lI dang rjes mthun par/ /gang rung bya zhes 'dam kar gsungs/ /gzhung bshad rnams su phyi ma bris/ /de ltar ma mthong tshod rgyag mang / /sgra bsgrub tshul la'ang dpyad gzhi yod/ /yi ge skyon nyams re zhig bzhag /ngor pa chen po'i bir srung du/ /rang nyid birWar bsgom pa la/ /pho brang lha lnga'i sa bon bsam/ /zhes 'di'ang skyog bshad ma byed cig /rgyas gdab rigs mtshon med pa dang / /zhes pa'i tshig gi rgyas bshad du/ /kha cig lus dkyil lha rnams la/ /rdor sems rgyas btab saM Ti las/ /rdo rje sems dpa' zhes byar bshad/ /bde ba dam pa ru ni brjod/ /zhes dang phyag rgya bzhi pa las/ /kun gyi dbang bskur gnas su ni/ /rdo rje sems dpa' zla ba'i mdog /zhes bya'i dgos par gsal zhes zer/ /rgyud sde rgyas bsdus tha dad yin/ /khyad par rdzogs rim brtan par gsungs/ /rgya gzhung dgongs pa drug pa bstan/ /sras don ma zhes gtso bo lnga/ /rigs lngas rgyas btab 'khor rnams la/ /rang rigs gtso bos rgyas btab dang / /yang na kun gyi gnas lnga ru/ /rdo rje rtse lnga bsam par bya/ 'phags pas gtso bo rdor sems dang / /'khor rnams rang rang gtso bo dang / /skye mched kha dog mthun pa'i rigs/ /khro bo srung 'khor skabs ltar gsungs/ /rang rang du ni rdor sems phyir/ /rigs lnga rdor sems don gcig yin/ /de ltar ci 'byin bkod pa la/ /rkun rgyab brdzun ma 'di skad lo/ /rgyud 'chad