[A:87a]tshe na rdzogs rim dang / /man ngag skabs su lus dkyil bstan/ /rgyud don ma gnyer lus dkyil ston/ /phyag rgya bzhi par rgyas gdab ston/ /'di tsam zin so gsal po yin/ /gal te rdzogs rim nyid bstan na/ /'khor lo drug pa gang gis ston/ /phyag rgya bzhi par 'khor lo lnga/ /rdzogs rjes kun gyi dbang sogs gsungs/ /drug pa bstan zhes 'os spyod yin/ /sras 'phags 'gal spong khyod bzhin 'dod/ /sras don ma yi phyi ma ni/ /dbu rgyan rang chas don yin zer/ /a seng ma las rdo rje yi/ /theg pa dgongs pa du ma zhes/ /gsungs pa 'di nyid mthong na yang / /mkha' 'gros byin rlabs birWa sogs/ /grub thob rnams la brten dgos zhes/ /'di 'dra mang mthong rgyu don rnams/ /rang 'gar rtog ge'i rigs pas 'chad/ /birWa'i snyan brgyud zab mo rnams/ /rgyud dang rgya gzhung 'gal lo zhes/ /'brel med tshig 'di gzhan lugs bzhin/ /snyan brgyud yi ge med pa'i rtags/ /de yi zin so mkhas pas khrel/ /'khor lo drug pa'ang lnga po bzhin/ /don gyis bstan zhing ma bstan na/ /khyod kyi rgyud don ji ltar rung / /khyad par rgyas btab zur du gsungs/ /'gal yang snyan brgyud ga la gnod/ /'khor lo drug pa man ngag lugs/ /gdan sogs yi ger shin tu gsal/ /dbu rgyan rang chas zer ba de/ /snyan brgyud med pa'i babs bcol yin/ /gsung ngag ma rdzogs rang rigs sogs/ /rgyas btab dgos pa snying po ste/ /zhib tu gsang gtam mi sgrog go /bza' ba'i dam tshig med pa dang / /zhes