[A:9b]dgos pa ma yin nam/ /des na smra ba nyung na mdzes/ /dri ba bzhi pa'i dam tshig ni/ /gzhan yang bra ston zhus lan nas/ /'byung ba'i lam rim lam 'bras dang / /rgyud gsum dang ni mdo rgyud spyi'i/ /lam rim gsum po gang du 'tshal/ /dang po ltar na snang gsum gyi/ /sngon du dbang bskur bshad 'dug gam/ /gnyis pa ltar na tshul de dang / /'gal ba'i lam 'bras rgyud gsum nas/ /bshad pa min par khas longs shig /phyi ma ltar na lam 'bras dang / /mi mthun lam de mdo rgyud kyi/ /dgongs par 'grub phyir lam 'bras kyi/ /go rim de 'dra gang nas byon/ /mdo rgyud kun dang mi mthun pa'i/ /lam de gong ma'i dgongs pa zhes/ /smra ba de dag gad mo'i gnas/ /zer ba'i thog mar mgo mtshungs ni/ /des na dbang po rab 'bring gsum/ /dkri ba'i gzhung shing las byung ba'i/ /lam gyi rim pa lam 'bras dang / /rgyud gsum dang ni mdo rgyud spyi'i/ /lam rim gsum po gang du 'tshal/ /dang po ltar na dbang bskur gyi/ /sngon du snang gsum bshad 'dug gam/ /gnyis pa ltar na tshul de dang / /'gal ba'i lam 'bras rgyud gsum nas/ /bshad pa min pa khas longs shig /phyi ma ltar na lam 'bras dang / /mi mthun lam de mdo rgyud kyi/ /dgongs par 'grub phyir lam 'bras kyi/ /go rim de 'dra gang nas byon/ /mdo rgyud kun dang mi mthun pa'i/ /lam de gong ma'i dgongs pa zhes/ /smra ba de dag gad mo'i gnas/ /zhes pa ldog na ji skad smra/ /gzhan yang rgyu dus dbang gi sngon/ /snang gsum dgos pa'i skyabs gnas su/ /bra ston