[A:91b] phyir thar 'dod dad brtson shes rab dang ldan pa'i gdul bya dag bslu bar gzigs nas/ de dag la thugs brtse ba dang / snyan brgyud zab mo mi nub par bya ba'i phyir rnam par bshad pa'i chu rgyun la sogs pa bstan bcos chen po mang po dag brtsams so/ /de dag las 'dir ni/ sems bskyed brgyud pa med pa dang / /zhes pa nas/ de kun 'di rgyu dgag par bya/ /zhes pa'i bar mi 'thad pa'i phyogs brgyad smos nas/ lung rigs man ngag gi sgo nas sun phyung ste chos dang mthun pa'i lan med par byas so/ /'on kyang / dkon mchog gsum gyi gdung sob pa/ 'phrin las kyi mdzad pa lhun grub pa/ rje ngor pa nyid kyi gdan sar byon pa/ dgongs pa bsgrub pa la khur 'khur ba/ yongs kyi bshes gnyen chen po de nyid kyis tshangs pa'i rigs sngags zhes bya ba'i lan byas so/ /de la phal cher ni mi 'byar ba'i lung dang / mi 'jug pa'i rigs par snang la/ 'ga' zhig ni nan gyis 'dod dgos pa'i klan ka dang / shas cher chos dang mi mthun pa'i tshigs bcad dang dma' 'byin pa'i ngan smras su go zhing / kha cig ni zol sbyor gyi ngag dang / la la ni don gyi khas blangs par yang snang bas/ yang dag par na lan dgos par mi 'dug mod/ de lta na yang rang nyid bla ma rnams kyi bka' drin dran zhing / yid ches pa btab par bya ba dang / blo gros kyi snang ba bskyed pa'i phyir chags sdang spangs te 'di bri ba la skyon med do/ /de la gnas skabs brgyad du brgal lan ngos bzung nas dngos lan kho na byas pas/ chos dang mthun zhing gzhan dag la chags sdang spang gi snang ba mi bskyed