[A:92a]pa yin no/ des na sems bskyed kyi skabs su/ rigs sngags mkhan po na re/ sems bskyed kyi yi ge de gsar du brnyed pa dang / de la lung gi brgyud pa med pa yin du chug kyang / des sems bskyed kyi sdom rgyun med par dbang gi 'byor pa sus bsgrub par nus pa ma yin te/ spyir rgyud sde nas bshad pa'i dbang gi sngon du 'gro ba'i sems bskyed cig mi 'dod na ni shin tu skal ba dman la/ 'dod na sangs rgyas nas rje rtse mo yan la yi ge de gtan med kyang / de'i brjod bya dang mthun pa'i sems bskyed kyi sdom pa'i rgyun yod pa dang / rje btsun nas kho bo cag gi rje thams cad mkhyen pa'i bar la yang bde kyai gnyis kyi dbang gi sngon du yi ge de dang mthun pa'i sems bskyed kyi sdom pa 'bog pa'i phyag len gyi cho ga ma nor ba yod pas/ phyag len dang mthun pa'i yi ge su zhig gis byas kyang de'i steng nas cho ga byed du rung ba yin te/ dper na rtse mo'i dbang chu'i lung ma thob kyang man ngag lugs kyi dbang phyin ci ma log par thob pa'i rdo rje slob dpon zhig gis dbang chog de'i steng nas dbang bskur byas chog pa dang / karma sha taM lta bu'i steng nas sdom pa thob la ma nyams pa'i mkhan po zhig gis las chog go chod po gang yang rung ba zhig gi steng nas sdom pa phog pas chog pa zhig ste/ snyan brgyud yi ger bris pa thams cad la 'dis mtshon no zhes zer ro/ /de ni ma brtags pa'i lan te/ su zhig gis byas par ma nges pa'i chog bsgrigs kyi yi ge de chos rje khu dbon tsam gyi rjes su byung na ni de'i steng nas cho ga byas pa'i phyir gsung bgros dang bcas