[A:92b]pa'i nges pa yong ba rigs pa la med pa'i phyir dang / rjes phyi mo nas byung ba yin na rtsa ba med pa'i yan lag yang mi rigs pa'i phyir dang / bar skabs der phyag dpe 'di la rten bya ba tsam yang ma byung bas mi 'thad pa'i phyir dang / snyan brgyud yin zhes pa yang gyi na tsam yin te/ rje nA ro pa'i lugs kyi sems bskyed kyi cho ga /birWa pa'i lugs kyi snyan brgyud du smra ba bzhad gad kyi gnas yin pa'i phyir/ bde kyai gnyis kyi dbang gi sngon du yi ge de dang mthun pa'i sems bskyed byed ces pa yang / sngags sdom gyi sngon du byang sdom dgos pa'i bstan pa spyi'i babs 'gros kyi smra ba la brten nas bsgrigs pa ste/ de ltar na byang sdom gyi sngon du so thar dgos pas/ skabs der gsol bzhi'i cho ga la brten pa'i bsnyen rdzogs re yang mdzad pa zhu cig des na sambu Ti las/ skyabs su 'gro ba'i rim pa yis/ /shin tu legs par sbyangs nas ni/ /sngags dang rgyud kyi rim pa yis/ /gsang ba'i de kho na nyid bsgrag /zhes gsungs pas dkyil 'khor du 'jug pa'i sngon du skyabs su 'gro zhing / sems bskyed pa tsam mdzad ces gsungs mod phyag len gyi rim pa mi snang ngo / /'on kyang 'gal ba yod pa min te/ sta gon gyi skabs su 'byung bas so/ /des mi rung ba yang min te/ khrid kyi tshe ma rtogs khyed rang yang phyag len tal ma la mi byed pa yin pas so/ /rjes 'dzin grangs nges kyi skabs su rigs sngags mkhan po na re/ spyi rgyud nas bshad pa'i rjes 'dzin gyi rnam gzhag lam 'bras nas bshad pa'i rjes 'dzin bshad/ dang po ni spyi rgyud las/ sa'i cho ga bstan pa'i rjes