[A:95b]nas/ snang gsum khrid kyi sngon du dbang bskur nges par dgos pa grub pa'i mthar byas pa de la 'di 'dri ste/ khyed kyi khrid de skal ldan cig car ba'am/ skal dman rim 'jug pa gang gi lam rim yin/ dang po ltar na/ gang zag de khrid pa'i lam rim la/ dbang dang rim gnyis yan lag dang bcas pa'i bar du snang gsum khrid kyi slob ma dkri ba nges par byed dgos pa ma yin te/ de 'dra ba'i gang zag la thun mong ba'i lam gyis rgyud sbyangs mi dgos par/ dang po nyid nas dbang rim gnyis 'brel pa can du byas chog pa rgyud sde'i dgongs pa yin zhes dang / phyi ma ltar na gang zag de la dang po nyid nas dbang mi bskur bar/ lam thun mong bas rim gyis dkri ste/ phyis snod rung du gyur pa na dbang gis smin par byed dgos kyi/ zhes sogs mang du smra bar byed do/ /de la snyan brgyud zab mo'i don go bar mi 'gyur bas mgo bsgre ba'i lan 'di brjod par bya ste/ khyed kyis gzhung khrid rgyas pa lan gnyis slob ma la 'chad pa'i tshe/ lan gnyis pa'i gzhung khrid de skal ldan gcig car ba'i lam mam/ skal dman rim 'jug pa'i lam gang yin/ dang po ltar na rim gnyis yan lag dang bcas pa'i bar du snang gsum gyis dkri dgos pa ma yin te/ dang po nyid nas dbang dang rim gnyis 'brel pa can du byas chog pa rgyud sde'i dgongs pa yin pa'i phyir/ zhes gsungs/ gnyis pa ltar na skal ldan gcig tsar ba dbang dang rim gnyis kyis dkris zin nas/ slar skal dman rim 'jug pa'i lam gyis dkri ba/ khyed rang ltar na rung ba ma yin te/ gzhan yang dbang bskur