[A:96a]zin pa'i slob ma la snang gsum gyi khrid phog na rtsa ltung 'byung bar bshad pa de yang dran par gyis la lan gsungs shig khyed kyi bshad pa ni de 'dra/ lag len ni de 'dra na/ gzu bor gnas pa'i blos dpyod cig sta gon gyi skabs su rigs sngags mkhan po na re/ snang gsum gyi lam gyis dkris zin pa'i slob ma brgya phrag gi grangs las brgal ba de dag grangs nges med par rjes bzung tshul bzhin du bya rung bar grub cing / de ltar rjes su bzung ba'i slob ma de dag gi don du bzhengs pa'i dkyil 'khor de dang / tshogs de dag shin tu 'brel ba'i phyir dang / sa lha sta gon dang / lha sta gon bya ba'i skabs kyi don ni/ sa phyogs der dkyil 'khor bzhengs su rung ba dang / slob ma'i ched du dkyil 'khor bris te gzhan don bya ba'i snang ba zhu ba dang / byin gyis rlabs pa'i ched yin la/ de tsam gyi skabs don ston gcig pu des grub zin pa'i phyir/ bum pa sta gon dang / slob ma sta gon ji tsam skabs su babs pa de'i tshe byas pas/ dbang bskur zhu ba po'i slob ma ji snyed pa de dag la dbang gi mngon par rtogs pa brgyad char tshang bas smin byed du mi rung ba'i dogs pa skye don med la zhes zer ro/ /'di ni rgya bod kyi rdo rje 'dzin pa rnams la med pa'i grub mtha' ste/ khyod kyi dbang bskur phyi ma rnams la bdag bskyed kyang mi dgos par 'gyur te/ bdag bskyed byas pa'i dgos pa skabs don ni bdag nyid lhar bskyed pa yin la/ de tsam gyi skabs don bdag bskyed gcig pu des grub zin par mtshungs pa'i phyir/ mdun bskyed bsgrub pa yang mi dgos