[A:10a]zhus lan 'tshol mod kyi/ /de ni spyir du mdo sngags kyi/ /lam gyi 'gro tshul bsdus pa tsam/ /bstan pa yin gyi khyad par du/ /gzhung bzhin dkri ba'i khrid kyi rim/ /nges par bstan pa ma yin la/ /yin na snang gsum rgyud gsum gyi/ /go rim tshang bar ston dgos las/ /thun mong ma yin nyams snang dang / /dag pa'i snang ba'i ming tsam yang / /bstan pa med phyir snang gsum gyi/ /snang ba phyed gnyis las med pa'i/ /snang gsum bshad pa ngo mtshar zhing / /der rjes phar phyin gzhung lugs kyi/ /snying po don gyi man ngag ni/ /'di dag yin zhes nges bzung na/ /thun mong yin pa gang gis bstan/ /des na khyed rnams bzhed pa yi/ /khrid rim nges par zhus lan dang / /mthun par 'dod na de nyid las/ /dben par bsam gtan bsgom pa la/ byis dang 'grogs na mi thob pas/ /skye bo dag la skyo bsgom ste/ /'di yis dben thob log 'tsho ni/ /spongs zhes gsungs na ding sang dus/ /lam 'bras khrom bshad mdzad pa ci/ /khyad par gsung ngag rin po che'i/ /med mi rung ba'i chos sna rnams/ /chab cig bsdus pa glegs bam zhes/ /rje btsun chen po'i dkar chag tu/ /grangs nges mdzad pa'i gzhung bor nas/ /phyis su la la'i ngor mdzad pa'i/ /gdams yig tsam zhig gtsor byed pa/ /'di la dgos pa ci zhig yod/ /dri tshig lnga pa 'di skad lo/ /mdor na bra ston zhus lan dang / /mthun pa'i nyams len khung ma zhig /gangs can 'di na yod dam med/ /yod na de yis mtshan gzhi dri/ /med na tshul de bshad pa