[A:99a]bya nus kyang / 'phrin las rlabs po che dag la/ dgos pa'i khyad par gzhan du ma zhig byung ngo zhes dang / dbang gong ma gsum yang slob ma re re nas bskur dgos shing / dus cig car du bskur bar bya ba ma yin zhes sgrub byed 'god par byed do/ /des ni khyod jo bo bzang po'i nang du bgrang par bya ba yin la/ rnam pa gcig tu na slob dpon rin po ches/ dbang bskur ba de yang sangs rgyas nas brgyud pa ma chad pa sngon chad las kyi cho ga mthong ba/ cho ga la mkhas pa/ byin rlabs dang ldan pa/ sbyang gzhi sbyong byed ngo 'phrod pa cho ga gang byed rdzogs par thob pa byas pa zhig dgos kyi/ dbang bskur byas kyang yid brtan mi rung ba/ ci yin gtol med pa/ blun po bslu ba 'dra ba dang zhes pa ni thugs la 'jebs par mdzad dgos pa'i rigs so/ /dbang gong ma gsum yang re re nas bskur dgos zhes dbang chu'i lugs 'dren par byed mod/ de ni rigs sngags mkhan po nyid rang gzugs ston par mdzad pa'o/ /slob 'khor nyung ba la 'phrin las chung bar byas mod/ kho bo cag gis khas blang bar bya'o/ /dbang bskur yongs dag gi skabs su/ rigs sngags mkhan po na re/ 'di ltar thun mong gi dbang drug slob dpon gyi dbang dang bcas pa la 'khor gsum yongs dag bya dgos pas khyab pa/ rje btsun chen po'i bzhed pa yin na/ rje btsun nyid kyis mi bskyod pa la 'khor gsum yongs dag byas nas/ rin 'byung cod pan gyi dbang man chad la mi bskyod pa'i nga rgyal du gnas nas dbang bskur bas chog pa rdo rje gur gyi/ rdo rje sems dpas dbang