[A:10b]la/ /dgos pa ci zhig yod dam dri/ /zhes dang / de skad 'di ni sa skya pa'i/ /rje btsun rnams la rmongs dad tsam/ /min par shes nas dad thos pa'i/ /sdom brtson rnams la dris pa yin/ /zab don rtog ge'i dug chu yis/ /log par 'chad pa'i skye bo dang / /rgyud don snang ba dang bral ba'i/ /lam 'bras pa la ci bya yod/ /gang zhig 'di na ri dwags lte ba yi/ /dri zhim dgra bor 'dzin pa mig gis thos/ /kun rmongs dug gis nges par myos pa dag /zhi dul dam pa'i spyod pas dges gyur cig /ces pa sa mo glang gi lo e wa~M gyi ri khrod nas bris shing brtag pa'i rab tu byed pa 'dis kyang gsung ngag rin po che'i bstan pa phyogs thams cad du dar zhing rgyas par gyur cig zhes pa zer mod de yi lan/ /mdo rgyud bstan bcos la sogs nas/ /bshad pa'i lam rim thams cad dang / /mthun pa'i nyams len yod dgos shing / /med na bshad pa don med kyi/ /dam bca' ha cang ma thal lam/ /des na gzhung shing bzhi po las/ /khrid tshul nyer brgyad nyer dgu zhes/ /gsungs pa de dag rnams dang ni/ /mthun pa'i nyams len khung ma zhig /gangs can 'di na yod dam med/ /yod na de yi mtshan gzhi dri/ /med na tshul de bshad pa la/ /dgos pa ci zhig yod dam dri/ /zhes pa brjod na lan ci zhig /lung rigs gtan tshigs dang bral ba'i/ /gzhan la babs bcol smra ba 'di/ /skyes bu rdza yi khur thogs nas/ /rdo ba'i g.yul ngor 'jug pa 'dra/ /de dag rang dga'i dri lan du/ /mdor bsdus tsam zhig brjod pa yin/ /gzhan yang khyed rnams