[A:102a]shes dngos su skyes te/ lus sems lhan skyes kyi bde bas tshim par bya nus pa'i rnal 'byor pa kho nas dbang bskur bya ba dang / de 'dra ba'i nus pa med na khyim pa rdo rje 'dzin pa yin yang chags pa'i rnam rtog dang bcas pa'i tha mal ba'i 'dzag bde yin gyi/ 'gyur med kyi bde ba ma yin pas dbang bskur mtshan nyid pa byar med pa dang / rab byung rdo rje 'dzin pa ni bshad ma thag pa'i nus pa dang ldan zhing ji tsam du bzang yang bstan pa la gces spras bya ba'i phyir/ de 'dra ba'i spros bcas kyi spyod pa mi mdzad pa yin no/ /da ci gsungs/ de gnyis la khyad par du bya ba ci yod/ tshim pa drug pa'i thad kyi bshad pa rnams dang / khyad par du dbang gong ma'i thad kyi bshad pa rnams ci'i phyir mi mtshungs/ yang na dbang mtshan nyid pa med par khas longs shig dbang mtshan nyid pa dang / rjes mthun pa'i tha snyad gong mas ma bshad do zhe na/ tshogs 'khor mtshan nyid pa dang / rjes mthun pa'i tha snyad gong mas gang du bshad smros shig da lta de lta bu'i dbang mdzad pa med kyang / ye shes kyi phyag rgya la brten nas dbang bskur bas dbang mtshan nyid pa'i go chod do zhe na/ da lta de lta bu'i tshogs 'khor mtshan nyid pa med kyang / ye shes kyi phyag rgya la brten pa'i tshim pa drug pas tshogs 'khor mtshan nyid pa'i go ci'i phyir mi chod/ sems rnal du phob cig gzhan yang rdzogs rim gyi ye shes dngos su rtogs pa 'phags pa kho na la yod pas/ 'jig rten pa'i lam man chad du dbang dang / tshogs 'khor mtshan nyid pa med par khyod khas longs shig yang khyod