[A:11a]bzhed pa yi/ /grub mtha'i rnam grangs 'di skad thos/ /rje btsun gong ma'i bka' srol dang / /snyan brgyud bla ma dam pa yi/ /zhal nas ji ltar byung ba la/ /yid ches nges bzung med bzhin du/ /rang blos sbyar ba'i grub pa'i mtha'/ /sna tshogs smra ba mtha' yas mod/ /tshang bar brjod pa ma byung bas/ /mtshon pa tsam ni 'di ltar te/ /dper na gzhung shing bzhi po yi/ /khrid tshul grangs su 'dren pa na/ /rdo rje 'chang chen dngos kyi slob/ /dpal gyi gzhung shing dang po ni/ /gsum la khrid tshul re re dang / /tha mar lnga ste brgyad du bshad/ /kun mkhyen go bos gzhung shing ni/ /dang po gnyis la khrid tshul gcig /gsum par gcig dang bzhi pa la/ /khrid tshul bcu gnyis bzhed pa dang / /'dul bzang pa dang sangs rin pas/ /dang po nyid la re re dang / /gu ge chos dpal zhes bgyi bas/ /gzhung shing dang po nyid la ni/ /khrid tshul dgu ru bshad pa dang / /snang ba gsum gyi 'dod tshul yang / /phal cher thun mong du bzhed cing / /kun mkhyen rta nag pa la sogs/ /phar phyin kho na'i lam du bzhed/ /chos rje gung ru'i khrid kyi dus/ /phar phyin lam dang gzhung bshad dus/ /sngags lam kho nar 'chad ces sogs/ /gsang sngags snyan brgyud zab mo la/ /mtshan nyid bsdus pa'i chos skad dang / /dbyar dus 'dab chags skad bzhin du/ /sna tshogs tha dad ca cor smra/ /yid ches lung dang dam pa'i gsung / /gang la'ang ma brten rang skad du/ /snyan brgyud zab mo bdud rtsi'i rgyun/ /ngan rtog dug gi sbags gyur na/ /slad nas rjes