[A:107b]ba'i rgyu mthar thug pa yin la/ des na gong gi phan yon nyes dmigs bshad pa rnams kyis blang dor phyin ci log tu 'gyur bas phyogs de la rims nad bzhin du 'dzem par bya'o/ /zhes bya ba bris so/ /gnyis pa de'i lan bshad pa ni/ 'di dag ni phyogs snga'i nam ma lang par dgag pa'i nyi ma shar ba zhes pa'am/ phyogs snga gzhi med la smyon gtam gdung ba'i ngal ba 'ba' zhig tu zad de/ 'di ltar de nyid du tshogs kyi 'khor lo bsten du rung mi rung so thar gyi 'dul ba'i ngos nas 'jog pa bzhin no/ /zhes pa 'di yang smyon gtam du snang ste/ tshogs kyi 'khor lo tsam gyi rdzas su bsten du rung mi rung so thar 'dul ba'i ngos nas 'jog par khas len pa med pa'i phyir/ 'on kyang gang zag gi rigs la ltos pa'i dbye ba yod de/ sdom brtson rdo rje 'dzin rnams kyi lugs dang / de las gzhan pa'i rnal 'byor rnams kyi tshogs kyi 'khor lo'i dbye ba rje btsun sa paN gyis gsungs pa ltar nged kyi bla ma rnams kyang bzhed pa'i phyir/ 'di tsam gyis tshogs kyi 'khor lo thams cad so thar 'dul ba'i ngos nas 'jog go zhes snyon kyang / tshogs 'khor so thar gyi bslab bya dang bstun nas 'jog ces khas len dgos par 'gyur te/ nyid kyi lung de nyid du sa paN gyi gsung dang 'gal ba'i rtsod spong gi skabs su/ 'di nyid ni so thar la bstun pa che chung gi sgo nas bzhag ste zhes bris pa'i phyir/ gzhan yang khyed rang rnams rdo rje theg pa ba yin pa'i rgyu mtshan gyis nyams kyi bslab pa dang bstun mi dgos na khyed rnams thams cad he ru ka'i chas la sogs pa rdo rje theg pa'i cha lugs nyid mi byed par rab tu