[A:108b]gsungs pa'i phyir/ de la gzhan du na rdzogs pa'i sangs rgyas kyis kyang chos kyi rnam grangs mang du gsungs nas ci zhig byed/ rdo rje theg pa kho na ci'i phyir mi gsungs/ yang lung de nyid du/ de lta bu rjes 'brang dang bcas pas lta ba tshogs kyi 'khor lo nyid sngags pa ngan 'gror 'jug pa'i sgor bsam pa ni zhes sogs kyang snga ma dang mtshungs te/ de ltar 'dod mkhan su yang med pa'i phyir ro/ /gal te kho na re/ de ltar ngor pa khyod kyis 'dod de/ sdom brtson rnams kyi tshogs 'khor gyi skabs su sha chang sogs la longs spyod pa'i dbang gis ltung bas gos te ngan song du skye ba yod par khas blangs pas so zhe na/ 'o na sngags kyi dbang bskur ba yang sngags pa ngan song du skye ba'i sgo yin par thal/ dbang bskur ba la brten nas sngags sdom thob pa'i gang zag rtsa ltung gi dbang gis ngan song du skye ba yod pa'i phyir/ de sogs mtha' yas pa spro bar bya'o/ /des na tshogs kyi 'khor lo la sogs pa'i skabs rnams su spyod pa zhib mor byed pa rnams ltung ba can rnams ltung med du rlom zhing / ltung med rnams ltung ba la sbyor ba'i rgyu mthar thug yin nam/ gsang sngags la kha btags nas spyod pa la chol por byed pa rnams/ rtsing spyod la zhib spyod du rlom zhing / zhib spyod dwang du len pa rnams rtsing spyod la sbyor ba'i rgyu mthar thug pa yin/ shes ldan gzu bor gnas pa rnams kyis dpyad 'tshal lo/ /gnyis pa rgyas par dgag pa'i lan bshad pa la/ dgag pa'i lung drangs pa dang / de'i lan bshad pa gnyis/ dang po ni/ lung de nyid las/ gnyis pa rgyas par dgag