[A:109a]pa la/ dngos dang rtsod pa spong ba gnyis/ dang po ni/ 'dir gtso bor dgag bya ni/ ngor pa'i ngan rtog ste/ 'di bkag pas gzhan khegs par 'gyur ba dang / sa skya pa'i bstan pa'i dri ma yang byang bar 'gyur bas so/ /'on kyang de'i yang rtsa bar 'gyur zhing / khyad par gyi chos kyang 'di skad ces thos te/ gdon gyis byin gyis brlabs pa dag na re/ phyi dro sha chang dang bcas pa'i tshogs 'khor byas na 'dul ba dang 'gal bar 'gyur bas snga dro bya'o zer mod/ rab tu byung bas gya tshom du gtan bzar mi rung ba'i sha dus rtag tu bzar rung ba khyod kyis sgrubs shig de la sogs pa 'ga' tshogs 'khor gyi tshe phyi dro rung bar kho bos bsgrub bo zhes thun mong ma yin par dang por bkag nas gzhan rnams thun mong du 'gog par 'gyur ro/ /de la kun bzang rnam rol las 'byung ba dang / gsang ba kun rgyal las 'byung ba dgag pa gnyis/ dang po la 'dod pa brjod pa dang / de dgag pa gnyis kyi/ dang po ni/ de nyid du/ gang zag mchod pa'i yo byad la rnal 'byor pa nus ldan dang / rab tu byung ba mchod pa'i rdzas gnyis kyi/ dang po ni zhes pa nas thar pa don du gnyer ba'i sgrub pa po rnams kyis phyi rol pa'i mchod sbyin dang tshul mtshungs par sha chang kho na la longs spyod pa 'jig rten pa'i dga' ston la tshogs kyi 'khor lor ming gdags par mi bya'o zhes zer ro zhes phyogs sngar bkod nas/ gnyis pa de dgag pa la/ lung la dpyad de dgag pa dang / rigs pas brtags nas dgag pa gnyis kyi/ dang po la rje btsun yab sras kyi gzhung dang