[A:109b]'gal bas dgag rang gis drangs pa'i lung gi don ma yin pas dgag rang tshig nang 'gal bas dgag pa dang gsum gyi/ dang po ni/ de skad smra ba po'i don gyi snying po ni/ spyir 'jig rten pa'i zas la tshogs kyi 'khor lor gdags su mi rung zhing / khyad par sha chang rab tu byung bas tshogs kyi 'khor lor bsten par gtan mi rigs zhes par snang ba ches shin tu mi 'thad de zhes pa nas/ de bas na khyod la tshogs 'khor gyi rdzas med par 'gyur te/ 'jig rten pas bzar rung ba sha lnga dang bdud rtsi sogs tshogs 'khor gyi rgyur mi rung zhing / 'jig rten pas bza' btung yang mi rung bas so/ /de gnyis ni khas blangs pas so/ /'on te bu ram dang zhun mar sogs yod do zhe na/ de yang 'jig rten pa'i dga' ston yin pas tshogs 'khor du mi rung dgos la/ de 'dod na de nyid rang gi de de'i rgyur khas blangs pa dang yang dngos su 'gal lo/ /der ma zad 'jig rten pa'i dga' ston tshogs 'khor gyi rgyur mi rung na/ bla med pa'i kha zas kyi rnal 'byor thams cad 'dor dgos pas rmong pa dag rdo rje theg pa la rma ma 'byin par mi smra ba'i brtul zhugs longs shig rang gzhan la gnod par mi 'gyur ro zhes pa'i bar dang / de bas na rje btsun rin po che grags pa rgyal mtshan zhabs yang dag pa'i dge ba'i bshes gnyen du byed na/ smra ngan 'di'i 'gro ba ni cir 'gyur/ gzhan du dam tshig las nyams na/ /nyams pa bdud kyis gzung bar 'gyur/ /de bas sdug bsngal myong 'gyur te/ /thur du bltas te dmyal bar 'gro/ /zhes pa'i don rtogs par bya'o/ /zhes pa