[A:110a]nas/ de ltar sa skya pa dang rgyab 'gal ba'i tshogs 'khor 'di ni 'byung pos byin gyis brlabs pa dag gi rjes 'brang yin par yang ngo shes dgos so/ /zhes pa'i bar dang / de bas kyang nyes pa cher yod de/ dbang gsum pa'i dus kyi rig ma sbyin nas chags pa'i gtam smra ba thams cad las/ dge slong rdo rje slob dpon la lhag mar 'gyur zhing / sa chog gi dus kyi nga rgyal 'dzin pa na/ nga ni sangs rgyas rgyal po che/ /zhes sogs dang / de la yul gyi yan lag ma tshang du chug kyang / dam la bzhag pa na khyod kyi rdo rje 'chang nga yin gyi/ zhes sogs du mar 'byung ba rnams las pham par 'gyur dgos na/ tshogs 'khor las 'jigs pa dbang bskur ba yang 'gag dgos so/ /de bas khyod kyi lugs la dkyil 'khor gyi cho ga gcig lta bu la yang rab tu byung ba dang / khyim pa'i phyogs so sor 'byed dgos shing mdor na ding sang gi slob ma blun po chos dang chos ma yin pa rnam par mi dpyod par/ spyir grags pa'i rjes su 'brangs shing zhes pa nas/ da dung yang da lta kyai rdo rje la sogs pa 'di rnams khyim pa'i phyogs kyi yin gyi rab tu byung bas ni thub pa chen po nyid nyan thos kyi 'khor gyis bskor nas kun dga' ra ba na bzhugs pa la mchod pa'i yo byad kyang 'bras chan dang / la du sogs dang / snod kyang lhung bzed dang / bya ma bum dang / rol mo'i dus su'ang gaNDi rdung / chas su 'jug pa na'ang snam sbyar 'ba' zhig gyon pa la sogs pa kho na dgos kyi/ de las gzhan gyis mi rung ngo zhes gyis la cho ga'i rnam gzhag rtsoms shig dang / chos