[A:11b]'brang dpyod ldan rnams/ /gang gi rjes su 'brang ba sogs/ /bdag nyid chen po sa paN gyis/ /gzhung shing bzhi yi khrid tshul rnams/ /dkar chag gsal bar mdzad pa dang / /de la zangs tsha'i zin bris rnams/ /yod bzhin de las brgal byed pa/ /sa skya'i bstan 'dzin ngo mtshar che/ /nags kyi spre'u'i tshogs 'dus nas/ /skyes bu'i lus la rtog pa na/ /spu dang mjug ma dang bral zhes/ /khrel zhing rang lus dam par 'dzin/ /nag phyogs la dga' 'gro ba rnams/ /'phel zhing dar ba dus kyi dbang / /de yi rnam par dag mi dag /grub mtha' nyin nub skar tshogs bzhin/ /rgyal sras thabs mkhas thugs rje yi/ /bdag nyid yin yang sems can rnams/ /rang rang las bkal spyod pa la/ /las ma srab pa btang snyoms tshul/ /'on kyang rnam dag smon pa'i mthus/ /bshes gnyen dmigs bu dang bral ba'i/ /gom 'khyor log pa'i lam zhugs rnams/ /yang dag lam la 'jug gyur cig /ces pa 'di dpal ldan sa skya pa'i grub mtha'i srol 'dzin pa/ ngor gyi gdan sa bcu pa tsam gyi bla chen dkon mchog lhun grub ces pas/ sa skya pa'i rnying ma'i srol 'dzin rnams la cung zad co dri ba'i tshul du mdzad pa'i lan du dris lan mdor bsdus tsam 'di/ dus gsum sangs rgyas thams cad kyi mkhyen brtse gcig tu bsdus shing / snyigs dus kyi rgyal ba gnyis pa khyab bdag rdo rje gdan pa chen po kun dga' rnam rgyal dpal bzang po'i zhabs rdul la spyi bos reg ste/ gsung gi cha shas tsam thob pa'i 'khor gyi tha chung sa skya'i btsun pa byang chub dbang rgyal