[A:114b]cing / rang gi phyogs blos btang nas ldab ldib tu smra bar byed pa ltar khyod kyang bla brang gi chags sdang gis snyigs dus kyi thub pa rdo rje 'chang theg chen chos kyi rgyal po la zhe sdang bzhin du mi shes pas myos te/ lung rigs dang bral zhing rdo rje theg pa'i nyams len thams cad blos btang nas ngan g.yo'i rtsom pa 'ba' zhig byed par zad mod/ rigs pa dang 'gal ba ni ci/ dge slong rdo rje 'dzin pas sngags kyi nyams len byed pa na/ gang 'dul ba dang mi mthun pa de'i tshe sngags gtso che ba zhig gam/ 'dul ba gtso che ba zhig dang po ltar na tshogs kyi 'khor lo'i skabs su 'dul ba dang ma mthun zhes sun dbyung du ci yod/ phyi ma ltar na dge slong rdo rje 'dzin pas 'dod yon bsten byar mi byed par thal/ theg pa thun mong bas 'dod yon spong ba gang zhig gong ma las 'og ma gtso che ba'i phyir/ phyi ma khas/ 'dod na/ dge slong rdo rje 'dzin pa sngags pa ma yin par thal/ 'dod pa de'i phyir/ khyab pa yod de/ 'dod yon bsten pa theg pa'i chos nyid kyi thob pa'i sngags pa'i dam tshig yin pa dang / mdo sngags kyi dbye ba yang 'dis 'byed par dpal sa skya pa yab sras bzhed pa'i phyir/ de yang 'dod na/ dge slong rdo rje 'dzin pa dge slong rdo rje 'dzin pa ma yin par thal/ de sngags pa yin pa'i phyir/ 'dod na/ dge slong rdo rje 'dzin pa dge tshul dge bsnyen gsum gyi rdo rje 'dzin pa go rim bzhin rab 'bring tha gsum ma yin par thal/ dge slong rdo rje 'dzin pa med pa'i phyir/ gzhan yang dge slong rdo rje 'dzin pas gsang sngags mi spyod par thal/ des gsang ste spyod dgos