[A:12a]gyis/ bsgyur byed ces bya ba sa mo phag lo cho 'phrul chen po'i dus chen la dpal rdo rje gdan mi 'gyur bde ba chen po'i chos grwa'i gnas yangs pa can zhes bya bar g.yar khral du bgyis so/ /'dis kyang gsung ngag rin po che'i bstan pa rnam par dag pa phyogs dus kun tu rgyas par gyur cig ces pa de rnams kyis dri ba'i lan bshad pa bstan zin nas// ! //gsum pa yin lugs 'thad ldan gyi legs bshad bkod pa ni/ rje btsun thams cad mkhyen pa dkon mchog lhun grub kyis mdzad pa'i gsung ngag bshad thabs kyi man ngag gsang ba sgo 'byed las 'phros pa'i dris lan zab don snying po las 'di ltar 'byung ste/ rje btsun rdo rje 'chang chen po kun dga' bzang po'i zhabs la gus pas phyag 'tshal lo/ /chos kun gzigs pa'i mkhyen rab bskang ba nyin byed dbang / /srid gsum rab dga' thugs rje'i 'od dkar kunda'i gnyen/ /thub bstan rgyas mdzad 'phrin las bzang po kun gsal khyon/ /rtag par 'jal byed rgyal ba gnyis pa gang des skyong / /sngon dge'i bsod nams rgyas pa'i khang bzang na/ /rnam dpyod blo gros gsal ba'i skyes bu yis/ /zab mo'i gnas la cung zad dris pa'i lan/ /dam pa'i srol bzhin dwang ba'i yid kyis 'bul/ /'di la gnyis te/ dri ba'i ngag dgod pa dang / dngos kyi lan gdab pa'o/ /dang po ni 'di skad du/ rje btsun rdo rje 'chang chen po'i drung gi gsang ba sgo 'byed du/ nyams myong ma skyes pa bskyed par byed pa khrid kyi rnal 'byor la bzhi'i/ dang po/ gzhung ji lta ba bzhin du dkri ba'i gzhung shing