[A:116a]khas len pa'am/ rnal 'byor pa las dman par khas len dgos pa gang rung las ma 'das shing / rgyud las/ rten ni gsum la dge slong mchog /'bring ni dge tshul yin par 'dod/ /khyim na gnas pa tha ma'o/ /zhes sogs gsungs pa rnams ma mthong bar zad do/ /yang de nyid du/ brgya la sha chang dben par bsten pa gzhan gyis thos na ma dad kyis dogs na bsten dus ma bsten pa'i nyes par byed pa ni dam tshig gi rdzas rnams ma bsten na rdo rje mkha' 'gro rnams mi mnyes par byed pa'o/ /zhes rje btsun gyi gsungs pas/ mkha' 'gro ma mnyes pa dang / 'jig rten pa ma dad pa gang nyes pa che soms shig zhes dris so/ /'di yang khyed rang la mtshungs te/ khyed rang gis yang dag pa'i bsten tshul bshad pa'i rtsod spong gi skabs su/ bshang gci sogs ni bdud rtsir mi nus bzhin du zos na 'jig rten pas smod par 'gyur zhing / dug de ltar zos na 'chi bar 'gyur la/ bsten rung gi sha chang gis ni las dang po pa la'ang de ltar mi 'gyur bas so/ /zhes bris pa la kun tu mtshungs te/ bshang gci sogs zos pa la 'jig rten pa ma dad pa dang / mkha' 'gro ma mnyes pa gang nyes pa che soms shig ces brjod na lan ci smra/ yang de nyid du/ gnyis pa rtsod pa spong ba la dus kyi 'khor lo dang 'gal ba'i rtsod pa spong ba dang / chos rje sa skya paNDi ta chen po'i gsung dang 'gal ba'i rtsod pa spong ba gnyis kyi/ dang po ni/ 'dir phyogs snga smra ba po la ni mang du smra ci dgos/ dus 'khor gyi chos skad rnams dang / rgyud sde gzhan rnams mi mthun