[A:117a]bsten pa'i dus 'khor lugs kyi tshogs 'khor byas na gsang sngags spyi dang 'gal bas kyai rdo rje'i dkyil 'khor du thob pa'i sngags sdom la rtsa ltung bcu gsum pas gos par 'gyur ba'i phyir/ rtags gnyis char khyod kyis khas blangs te/ dus 'khor las sha chang la ma bsten pa'i tshogs 'khor gsungs pa'i rtsod spong du/ dus kyi 'khor lo'i chos skad rnams dang / rgyud sde gzhan rnams mi mthun pa mang bas lugs phan tshun mi bsre bar chos skad rang rkang tshugs par smra dgos so zhes bris pa la rnam bcad yod pa'i phyir/ yang de nyid du/ gnyis pa ni gal te chos rje sa skya paNDi ta chen po'i zhal snga nas rab byung dang rnal 'byor pa'i dbye ba gsungs pa la'ang sngar brjod pa'i skyon rnams 'jug par 'gyur bas khyod de dang yang 'gal bar 'gyur ro zhe na/ de la skyon de rnams mi 'jug pa ni/ khyod kyis rab byung mchog dang / rnal 'byor pa khyim pa dman sar bzung bas nongs la/ 'dir ni so thar la bstun pa che chung gi sgo nas bzhag ste/ don la khyed dang dman mchog go log pas skyon med do/ /mdor na dkar po rnam gsum dang mthun pa ni nyan thos la rtsod spong mdzad pas kyang shes te/ khyod ltar na nyan thos kyi rtsod pa 'ong don med pas so/ /des na mi mthun na gong ma gtso bor byed ces rtag par sgyu thabs su smra bzhin du 'dir mi mthun par bsams nas 'og ma gtso bor byed pa 'di ni chos 'di la sdang ba'i rnam thar ston pa kho na'o/ /'on te chos rjes sdom brtson rnams kyis bdud rtsi myang ba tsam zhes sogs gsungs pa ci zhe na/ rab byung dman pa la