[A:117b]thabs mkhas pas gsungs pa yin gyi/ des mchog gzhan mi 'gegs pa ni gsang dbang gi skabs su rnam rtog shas che ba la mgrin par nyin par gyi thig le bya bar bshad pas/ rtog pa chung ba la lce thog tu sbyin pa mi khegs pa bzhin no/ /gal te slob dpon klu sgrub yab sras/ thogs med sku mched nas bzung ste/ jo bo rje dang / kho bo'i mkhan po bsod snyoms pa chen po la sogs pa rnams kyi tshogs kyi 'khor lo'i lugs 'di yin no/ /sdom brtson rnams kyi dbang bskur la sogs pa'i dus su 'di ltar byas na legs so zhes gsungs pas 'grub bo snyam na/ jo bo dang mkhan po sogs bod rnams snod min du dogs nas mdzad pa yin gyi/ des rang lugs su ma nges pa ni sems bskyed la mkhan po gzhan gyi ngo srung bas bod rnams kyi ngor mdzad pa 'dra/ rgya gar du'ang zhes pa nas/ lhung bzed byin len dang phyi dro bu ram mi bza' ba sogs thams cad yod smra ba'i lag len dang mi mthun pa mang po byed dgos su 'ong gsung gin gda'/ zhes chag gi dris lan du gsungs pas shes shing / de de'i lugs yin yang / rnal 'byor pa'i tshogs 'khor gsungs nas chos kyi rgyal po dpal ldan sa skya pa'i phyag len gyi rim pa bshad zin to/ /zhes gsungs la/ snga phyi gnyis mi mthun na phyi ma rang lugs su mdzad ces bris so/ /de yang don la khyod dang dman mchog go log pas skyon med do zhes pa 'di yang rab byung yin na/ rnal 'byor pa las dman pas khyab pa dang / rnal 'byor pa yin na rab byung las mchog yin pas khyab par song bas/ shAkya thub pa de rnal 'byor pa las