[A:118a]dman pa'am/ yang na rab byung ma yin par khas len dgos pa gang rung las ma 'das so/ /yang dkar po rnam gsum dang mthun pa ni nyan thos kyi rtsod spong mdzad pas kyang shes te/ khyed ltar na nyan thos kyi rtsod spong don med pas so zhes pa 'di yang gsung rab kyi dgongs pa ma shes pa'i dbang gis nyan thos lugs kyi bslab pa dang ldan pa thams cad 'di'i rtsod spong gi yul yin snyam du 'khrul pas len pa ste/ nyan thos lugs kyi bslab pa dang ldan pa'i gang zag la 'di'i skabs kyi rtsod spong gi yul yin min gnyis su yod pa'i phyir/ gzhan du na nyan thos lugs kyi bslab pa rgyud la ldan zhing gsang sngags bla med kyis rgyud smin pa'i dge slong rdo rje 'dzin pa med par thal/ nyan thos lugs kyi bslab pa dang ldan pa'i gang zag yin na/ 'di'i rtsod spong gi yul yin dgos pa gang zhig bla med kyis rgyud smin pa'i rdo rje 'dzin pa yin na/ 'di'i rtsod spong gi yul ma yin dgos pa'i phyir/ rtags dang po khyod kyis khas blangs te/ dkar po rnam gsum dang mthun pa ni nyan thos kyi rtsod spongs mdzad pas kyang shes te zhes bris pa la rnam bcad yod pa'i phyir/ des na nyan thos kyi sgra 'jug pa tsam la nyan thos kyi grub mtha' rang lugs su smra ba nyan thos sde gnyis lta bu dang / nyan thos kyi lta spyod dang ldan pa nyan thos rang rgyud pa gnyis las/ sa paN gyi tshogs 'khor rnam gzhag tu nyan thos kyi rtsod spong mdzad pa'i nyan thos ni nyan thos kyi thun mong min pa'i grub mtha' rang lugs su smra ba rnams yin te/ bye smra dang mdo sde pa rnams kyis rdo rje theg pa ba la de ltar rtsod