[A:118b]pa'i phyir/ nyan thos kyi bslab pa dang ldan pa la 'di'i rtsod spong gi yul yin min gnyis su yod de/ nyan thos lugs kyi bslab pa dang ldan zhing de'i thun mong min pa'i grub mtha' rang lugs su smra ba rnams 'di'i rtsod spong gi yul dang / de'i lugs kyi bslab pa dang ldan zhing bla med kyi sgor zhugs pa rnams ni 'di'i rtsod spong gi yul min pa'i phyir/ des na gangs can 'dir phyi'i spyod pa nyan thos dang mthun pa/ nang gi lta ba pha rol tu phyin pa dang mthun pa/ gsang ba'i nyams len rdo rje theg pa dang mthun par mdzad pa ni kho bo cag gi yongs 'dzin dam pa bka' drin can rnams kho na'i khyad chos su snang ngo / /yang de nyid du/ 'on te chos rjes tshogs kyi 'khor lo'i yo byad la lugs gnyis las rab tu byung ba sdom brtson gyi lugs ni/ mchod pa dang gtor ma la sha chang la sogs pa 'bul/ sdom brtson rnams kyi lce la bdud rtsi myang ba tsam bya/ gzhan yang bu ram dang shing thog la gsang ba la sogs pa gtor ma byin gyis rlobs pa ltar bya/ zhes sogs gsungs pa ci zhe na/ de ni rab byung dman pa rnams la thabs mkhas gsungs pa yin gyi/ des mchog la gzhan mi 'gegs pa ni/ zhes sogs bris so/ /'di yang dpyad par bya ste/ 'di'i rab byung dman pa de rdo rje theg pa'i sgor ma zhugs pa'i rab byung la bya'am/ de'i sgor zhugs kyang rim gnyis la brtan pa ma thob pa'i rab byung la byed pa gang rung las ma 'das shing / dang po ltar na de lta bu'i rab byung tshogs kyi 'khor lo'i nang du yong ba'i don med pas spyod mi dgos la/ gnyis pa ltar na de nged kyi rgyab brten du song