[A:119a] bas 'dod pa mthun par song ste/ ding sang tshogs kyi 'khor lo byed pa phal mo che rnams ni rim gnyis kyi ting nge 'dzin la brtan pa ma thob pa shas che ba'i phyir/ 'di la dgongs nas rje btsun sa paN dang / kho bo cag gi yongs 'dzin gong ma rnams kyis tshogs kyi 'khor lo lugs gnyis gsungs pa rnams yid ches pa'i gnas su shes par gyis shig rim gnyis kyi ting nge 'dzin la brtan pa ma thob pa rnams kyi tshogs kyi 'khor lo'i lugs la dgag bsgrub bya mi dgos te/ de rnams kyi sgo gsum gyi mdzad pa bzang ngan thams cad sa lam gyi grogs kho nar 'gyur ba'i phyir ro/ /yang de nyid du/ gal te sa paN gyis slob dpon klu sgrub yab sras/ thogs med sku mched nas bzung ste/ jo bo chen po rje dang / kho bo'i mkhan po bsod snyoms pa chen po la sogs pa rnams kyi tshogs kyi 'khor lo'i lugs yin no/ /sdom brtson rnams dbang bskur ba la sogs pa'i dus su 'di ltar byas na legs so/ /zhes gsungs pas 'grub snyam na/ jo bo dang mkhan po sogs kyis bod rnams snod min du dogs nas mdzad pa yin gyi/ de rang lugs su ma nges zhes bris so/ /'di yang 'brel med bzhad gad kyi gnas yin te/ jo bo dang mkhan pos bod rnams snod min du dogs nas tshogs 'khor de ltar mdzad pa yin zer na yang / klu sgrub dang thogs med sku mched sogs kyis bod rnams snod min du dogs nas rgya gar du tshogs 'khor de ltar mdzad ces zer ba la 'brel ci 'dug legs par soms shig gzhan yang jo bo dang mkhan po sogs bod