[A:122a]/man ngag phra mo'i chog shes ring spangs nas/ /rgyud don man ngag yongs la slob par rigs/ /bslab pa'i don mchog rim gnyis zab mo'i lam/ /yongs 'dzin bla ma dam pa'i gsung bzhin du/ /dben par rtse gcig nyams su len byed na/ /'di phyi kun gyi don mchog snying po lags/ /rang nyid zab mo'i nyams len mthar phyin nas/ /bsdu dngos rnam bzhi'i thabs mkhas la brten nas/ /skal bzang snod ldan smin grol lam 'god pa/ /zab lam nyams su blangs pa'i nying dgos lags/ /rang nyid nyams len zab mos dben bzhin du/ /'khor mang 'du 'dzi'i dbus su smin grol lam/ /khe rnyed grags pa'i ched du ston pa ni/ /rang nyid 'khor bar 'khyams pa'i rgyu ru gsungs/ /de phyir thar 'dod blo gros ldan rnams kyis/ /mdzes chos ltar snang tshul 'chos rgyang bsrings te/ /bstan 'gro'i don la 'bad par mdzod cig ces/ /thal sbyar snying gi dkyil nas gsol ba 'debs/ /zhes pa 'di ni rdo rje gdan pa chen po kun dga' rnam rgyal gyis mdzad pa'i tshogs kyi 'khor lo'i rnam gzhag grub pa'i dga' ston zhes pa'i dpe tsam mthong bas rkyen byas te/ rje btsun mkhas pa'i dbang po byams pa rab brtan gyi gsung bzhin shing pho stag gi lo rdo rje theg pa'i chos tshul la mos pa'i dge slong snyoms las pa bsod nams rab brtan gyis dben gnas bsam gtan sgrub sder sug bris bgyis pa dge zhing bkra shis/ zhes pa de rnams kyis tshogs kyi 'khor lo'i mtha' dpyad bshad pa bstan zin nas/ gnyis pa zhar las 'ongs pa'i legs bshad kyi