[A:122b]cha 'ga' zhig bstan pa la gnyis te/ sa skya pa'i bstan 'dzin rdzong lugs pa rnams kyi gtsug rgyan dam pa mtshungs med mus srad pa rdo rje rgyal mtshan gyis mdzad pa'i bsgrub pa rnam bzhi'i nang tshan bka' sgrub gsung rab las 'byung tshul bshad pa dang / de nyid kyi rtsod spong glo bo mkhan chen thams cad mkhyen pa bsod nams lhun grub kyis mdzad pa'i bstan bcos las 'byung tshul bshad pa'o/ /dang po ni/ mkhas pa'i dbang po mtshungs med rdo rje rgyal mtshan gyis mdzad pa'i bsgrub pa rnam bzhi zhes bya ba la bka' bsgrub kyi le'u/ 'phags pa bsgrub pa'i le'u/ bla ma dam pa bsgrub pa'i le'u/ phyag len bsgrub pa'i le'u dang bzhi yod pa las/ de'i dang po bka' bsgrub kyi le'u zhes bya ba'i legs bshad las 'di ltar 'byung ba ste/ oM swa sti siddhiM/ mthu stobs dbang phyug gsung gi bang mdzod brnyes/ /mdo rgyud dgongs don mtha' dag thugs su chud/ /yang dag ji bzhin 'gro la lam mchog ston/ /sa skya'i bla chen rnams la phyag 'tshal lo/ /rnam dag don bzang tshig gi bkod legs gzhung lugs nor bus phreng ba rnams/ /rang bzo'i shel la lugs bzang ming gi nor bu'i kha bsgyur phreng ba dag /rnam par rgyas phyir sun 'byin tshig gis 'chad po'i kha la blta tsam gyis/ /nyan po'i dbus su yang yang bsgrags pas phreng ba mchog de 'ga' yis 'dor/ /dpyod ldan chu dang 'phrad gyur na/ /rang bzo'i shel gyi rang mdog ston/ /dri med nor bu'i phreng ba yi/ /rang bzhin bzang po rtag tu brtan/ /'di na ding sang dpyod ldan skye bo nyung / /dpyod 'dod rnams kyang phal