[A:123a]cher log par spyod/ /dpyad pa'i don yang mi bsgrub yal bar 'dor/ /snyigs ma'i dus kyi ngang tshul 'di ltar gyur/ /kho bos 'dir ni legs par bshad kyang rnam dpyod blo gros grogs su mi byed khro ba'i me chen rab tu sbor/ /tshig rtsub dug mda' rnam par 'phen zhing rang dang gzhan gyi kun gzhi'i khang par bag chags ngan pa'i nor gsog byed/ /de phyir 'di ni gzhan la phan par 'gyur snyam med kyang rang nyid gong ma'i gsung la dad pa brtan phyir du/ /cung zad bris 'dir bla ma yi dam mkha' 'gro chos skyong srung ma rnams kyis legs par dgongs shing dpang mdzod cig /tshe 'di'i bya ba chung ngu las/ /nyams 'ang skyobs na dus kun gyi/ /bya ba nyams par byed pa yi/ /log par smra la ji ltar dgongs/ /de la ding sang dpal ldan sa skya pa'i srol 'dzin par khas 'che ba kha cig gdan gyi rnam gzhag la sogs pa rje btsun gong ma'i gsung rab khyad par du 'phags pa dag rje btsun gong ma rnams rim par brgyud cing slob ma'i tshogs bgrang ba las 'das pa la yang legs par bstan cing 'phel bar mdzad de/ yig ris su bris pa dag kyang brgya stong tsam ma yin par bgrang ba las 'das ba'i bar du 'phel nas rim pa rim par bar cung zad tsam yang chad pa med par brgyud de 'ongs pa'i gsung rab dag la/ rang gi blos sbyar ba'i grub pa'i mtha' nyi tshe ba dag dang mi mthun pa rgyu mtshan du byas nas nyi ma'i dkyil 'khor thal mos g.yogs pa ltar sun 'byin pa'i tshig gis 'gog par byed do/ /de la thal mo'i grib ma la gnas pa'i skye bo phra mo 'ga'