[A:123b]zhig kyang de dang mthun par sems par byed mod kyi/ de dag ni de ltar ma yin te/ de la bzhi/ gdan gyi rnam gzhag sa chen gyi bkar bsgrub pa dang / gzhal yas khang gi gsal byed slob dpon rin po che'i bkar bsgrub pa dang / de kho na nyid gsum gyi man ngag dang / dbang po rab 'bring gsum gyis dkri ba'i gzhung shing rje btsun gyi bkar bsgrub pa dang / khrid kyi dkar chag sa paN gyi bkar bsgrub pa'o/ /dang po ni/ rjes 'brang kha cig rang gis bzhag pa'i kyai rdo rje'i zhabs kyi bzhugs lugs dang gzhung 'di nyid 'gal bar mthong ste/ ha shang gis dgongs pa nges 'grel gyi mdo bltas pa ltar/ rnam par dag pa ma yin par smra'o/ /de ni shin tu mi rigs te/ rje btsun gyi dngos slob dkar shAkya grags kyi dag ldan las/ gzugs khams kyi tshangs pa phyed krung gis mnan pa ni/ gti mug la zung 'jug ngo bo nyid kyi rgya/ stong gsum gyi bdag po drag po dbang phyug chen po g.yas brkyangs pas mnan pa ni/ 'dod chags gsal ba la zhe sdang stong pa'i rgya/ gzhan 'phrul dbang byed kyi bdud sdig can g.yon bskums pas mnan pa ni/ zhe sdang stong pa la 'dod chags gsal ba'i rgya/ sum cu rtsa gsum gyi dbang po yum gyi zhabs g.yon pas mnan pa ni/ nga rgyal dang 'dod chags 'bras bu la rgyu'i rgya'o/ /zhes gdan gyi rnam dag ji lta ba bzhin du bzhag pas/ de nyid rnam dag yin par grub pa'i phyir dang / 'phags pa rin po ches kyang / zhabs mdun ma gnyis g.yas brkyangs shing g.yon bskums pa/ rgyab gnyis gar stabs kyis bzhugs