[A:124b]mthun par mngon rtogs rgyas pa'i lung gis grub pas/ 'phags bsgrub kyi skabs su 'chad pa ltar yin pa'i phyir ro/ /yang rjes 'brang kha cig na re/ mngon rtogs rgyas pa mtsho skyes dang tshul mtshungs pas nged kyi bzhag pa'i bzhugs tshul 'di rigs pa yin no zhes smra ba grag go /de ltar na gdan gyi rnam dag las byung ba'i bzhugs tshul 'di lta bu yang mi 'dod bzhin du khas len dgos te/ rin chen 'bar ba las/ nyi mar zhabs g.yas brkyangs g.yon bskums/ lhag ma gar gyi tshul gyis bzhengs/ /zhes gsungs shing / mngon rtogs 'bring po Dombhi ba dang mtshungs pa'i phyir ro/ /de la gzhan dag na re/ zla zer las/ a bhyas skyil krung phyed pa dang / g.yon bskums g.yas brkyangs dang / rin chen 'bar bar g.yas brkyangs g.yon bskums/ lhag ma gar gyi tshul du bshad pa'i don yang mdun ma gnyis g.yas pa'i brla la g.yon bskums sor mo sbyar ba dang / lhag ma rgyab ma gnyis mdun ma lta bu'i gar stabs so zhes 'bru bsnan du rung na/ slob dpon thams cad dgongs pa gcig par 'gyur pas shin tu legs kyi/ gzhan du na slob dpon 'di gnyis mi mkhas par thal ba'i skyon yod de/ rgyud dang mi mthun pa'i phyir ro zhes 'byung bas bzhugs tshul mthun par sbyor bas skyon med do zhe na/ shin tu mi 'thad de/ mdun rgyab gnyis bzhugs stabs mthun pa la dum bur byas nas mi mthun pa'i tshig gis bstan pa la dgos pa ci zhig yod/ gzhan dag 'gog pa'i tshig gi zol gyis mi mkhas par thal skyon 'phangs nas rje btsun gong ma rjes 'brang dang