[A:127a]btab pa 'di las/ glegs bam 'dir rang gi ngan rtog gis bslad pa gang yang gzhug par mi bya'o/ /gal te rang dran pa gso ba'i zin bris byed na yang logs su zhog cig ces gsungs pas/ yi ge lhag yod med rnams legs par phye nas rnam par gzhag pa rnams phyogs gcig tu bsgrigs/ mkhas grub kyi slob ma rgya mtsho dang 'dra ba shin tu mang ba rnams la bshad cing tshims par mdzad/ de nas ding sang gi bar du gang zag dam pa gzhal gyi mi lang ba dang / yi ge rigs gzhal gyi mi lang bar rim par brgyud de thos bsam bsgom pa'i brgyud pa bar ma chad pa chen po 'dir/ nyin mor byed pa'i dkyil 'khor shar ba ltar 'ong pa 'di la su zhig gis snyon 'dings par nus blo dang ldan pa dag gis mthong na rang gi gnas lugs go bar byed pa yin pa'i phyir dang / sa paN gyi khrid kyi dkar chag tu tshad mar bzhag cing / bla ma dam pas kyang gzhung shing bzhi'i khrid yig tu tshad mar bzhag pa'i phyir dang / de dag kyang yi ge tsam ma yin par nyams khrid du lag len bar ma chad par yod pa'i phyir dang / de tsam gyis kyang tshad mar mi 'gyur na/ go ba nyid kyis chog pa'i phyir ro/ /der ma zad rjes 'brang de dag gis 'di 'dra ba yang byas par snang / rje btsun gyi dkar chag las gzhung shing bzhi'i khrid kyi yi ge yod par bshad cing / sngar gyi yi ge rnying pa de bkag pas/ de'i hor stong bsab pa'i don du rang blos sbyar ba'i dbang po rab 'bring gsum gyi dkri ba'i gzhung shing gi yi ge byas te/ 'di skad du/ thabs kyi phyogs dang / shes rab kyi