[A:127b]phyogs dang / zung 'jug gi rnal 'byor pa gsum mo/ dang po la rigs gsum/ tha ma tshogs tsam bsog pa/ 'bring las tshogs bsgrub pa/ rab bskyed rim bsgom pa'o/ /shes rab kyi phyogs la gsum/ tha ma lta ba tsam la blo gnas pa/ 'bring bskyed rim la sems 'dzin par 'dod pa/ rab rlung gi rnal 'byor bsgom pa'o/ /gsum pa gang zag gi rnal 'byor pa la gsum/ dang po bzlas brjod dang sbyin sreg gis rgyud sbyangs/ 'bring de kho na nyid la blo bzhag pa/ rab man ngag gi gnad bcu gcig gi lam khrid zhes bkod nas rnal 'byor pa grags pa rgyal mtshan gyis sbyar ba'o zhes bris te/ sgo rum dpe khang nas brnyed do zhes zer ro/ /de ni ches shin tu mi 'thad de/ de 'dra ba'i yi ge khyed rang yan chad kyi mkhas rmongs kyi gang zag su la yang ma grags pa'i phyir dang / grags na lam 'bras ji ltar dar ba ltar yi ge de yang dar te rnying pa mang du mthong dgos pa las re re tsam yang ma mthong ba'i phyir dang / don la skyon cher gnas te/ thabs shes rab kyi phyogs su lhung ba'i rnal 'byor pas/ blang bya de dag nyams su blangs pa las/ rim gyis zung 'jug la blo kha phyogs pa'i rgyur 'gyur ba gcig dgos pa las/ don de la phan pa'i lam ci yang mi snang ba'i phyir dang / yang na rang gang la mos pa'i lam de bsgom pa ston dgos pa las de yang mi snang ba'i phyir dang / gal te sgo rum dpe khang nas brnyed pa bden srid na'ang / de la tshig don gang gi brgyud pa yang med pas ding sang lung sogs 'chad pa ha cang bzhad gad chen po yin pa'i phyir