[A:128a]ro/ /'di dag gi dgag bsgrub zhib par kho bos logs su bris yod pas der blta bar bya'o/ /de kho na nyid gsum gyi man ngag dang / dbang po rab 'bring gsum gyis dkri ba'i gzhung shing bkar bsgrub pa bshad zin to// //bzhi pa khrid kyi dkar chag sa paN gyi bkar bsgrub pa ni/ rjes 'brang kha cig sngon 'gro'i khrid bkag pa dang / pho brang drug tu 'dod pa ni gnyug ma dran gsal gyi lugs bsres pa yin no/ /zhes pho brang drug pa 'dod pa bkag pa dang / dbang po rab 'bring gsum gyis dkri ba'i gzhung shing gi yi ge rnying pa dag bkag pas/ yi ge 'dir de dag gsal bar bshad pa'i phyir dang / rang gi grub pa'i mtha' la gnod par dogs pa'i bsam pas dgag pa brjod par byed mod/ de yang ches shin tu mi 'thad de/ yi ge 'di nyid kyi gsal byed zangs tsha bsod nams rgyal mtshan gyi zin bris yod pa'i phyir dang / bla ma dam pas kyang gzhung shing bzhi'i yi ger thun grangs sogs yi ge 'di tshad mar byas nas bshad pa'i phyir dang / khyad par du brgyud pa'i rnam thar ngo mtshar snang bar/ thun mong ma yin pa la khrid kyi dkar chag zhes mtshan nas smos nas tshad mar bzhag pa'i phyir dang / tshogs bsgom rin po che'i slob ma nyan chen pa dang / gnyag snying po rgyal mtshan gyis mdzad pa'i gzhung ji lta ba bzhin dkri ba'i khrid yig tu/ thog mar khrid kyi sngon 'gro dang thun gyi sngon 'gro rnams bstan nas/ de ma thag tu snang ba gsum gyi khrid bstan pas/ tshogs bsgom pa dpon slob rnams kyang yi ge 'di tshad mar byas nas