[A:128b]gsungs pa grub pa'i phyir dang / chos rje gzungs pas bla ma klu pa la gnang ba'i dris lan du/ yi ge 'di tshad mar byas te lan mdzad pas gang zag dam pa de tsam zhig gis tshad mar mdzad pas tshad mar mi 'grub na ha cang thal ba'i phyir dang / pho brang drug pa ni rje btsun gyi gdan sogs kyi yi ger/ pho brang lnga'am drug gi dbus ma de sangs rgyas dang rig ma'i gdan/ zhes gsungs pa ma mthong bar zad pa'i phyir dang / de'i phyir gnyug ma dran gsal gyi lugs 'dres par smra ba ni rje btsun la dgag pa byed par snang ba'i phyir dang / rje btsun bkag nas sa skya pa'i rjes 'brang du rlom pa ni gad mo'i gnas yin pa'i phyir dang / rje btsun gyi gsung de'i gsal byed du yi ge 'di med na pho brang drug pa'i gnas tshul dang / bsgom tshul gang yang shes pa ma yin te/ yi ge gzhan du gsal bar ma bstan pas khyed cag gis mi shes pa'i phyir dang / de'i phyir yi ge 'dir bstan pa'i zab pa'i gnas du ma dag las ring du gyur pa yin pa'i phyir ro/ /de ltar na khyed kyi smra ba 'di dag la ni/ dpal ldan sa skya paNDi tas/ 'di ni sangs rgyas bstan pa la/ /bdud tshig yin pas rna ba dgag /zhes gsungs pa de dran par bya ba 'os pa'o/ /khrid kyi dkar chag bkar bsgrub pa bstan zin to/ /bsgrub pa rnam pa bzhi las bka' bsgrub bstan pa'i le'u ste dang po'o/ /zhes pa de rnams kyi sa skya pa'i bstan 'dzin rdzong lugs pa rnams kyi gtsug rgyan dam pa mtshungs med mus srad pa rdo rje rgyal mtshan gyis mdzad pa'i bsgrub pa rnam bzhi'i nang tshan bka' bsgrub gsung rab las 'byung tshul bshad zin