[A:129a]nas// ! //gnyis pa de nyid kyi rtsod spong glo bo mkhan chen thams cad mkhyen pa bsod nams lhun grub kyis mdzad pa'i bstan bcos las 'byung tshul bshad pa ni/ chos kyi rje mkhan chen thams cad mkhyen pa bsod nams lhun grub legs pa'i 'byung gnas rgyal mtshan dpal bzang po'i mdzad pa'i bka' bsgrub kyi rtsod spong gi yi ge tshig don mun sel zhes bya ba las 'di ltar 'byung ste/ oM 'grub par gyur cig kun bzang gsung gi 'od zer gyis/ /cha shas shin tu phra mo yang / /phrag dog mig gi mi bzod pa'i/ /'khrul pa'i 'chal gtam 'di skad lo/ /rjes 'brang kha cig rang gis bzhag pa'i kyai rdo rje'i zhabs kyi bzhugs lugs dang gzhung de nyid 'gal bar mthong ste/ ha shang gi dgongs pa nges 'grel gyi mdo bltas pa ltar rnam par dag pa ma yin par smra 'o/ /zhes phyogs snga ma bkod pa'i lugs su byas nas/ de la dkar shAkya grags kyis mdzad pa'i dag ldan dang / 'phags pa rin po ches/ zhabs mdun ma gnyis g.yas brkyangs zhing g.yon bskum pa/ rgyab ma gnyis gar stabs kyi bzhugs pa zhes gsungs pa dang / ding sang yan chad kyi dpal ldan sa skya pa rjes 'brang dang bcas pa'i kyai rdo rje man ngag lugs kyi bris sku dang bzhengs sku sogs mthong ba kun 'dir bshad pa'i bzhugs tshul kho na ltar snang bas de dag kun kyang yi ge 'di tshad mar byed par grub pa'i phyir dang / khyad par khyed rang gi rtsa ba'i bla ma shar pa ye shes rgyal mtshan gyis mdzad pa'i gur rigs bsdus kyi sgrub thabs su bzhugs tshul 'di kho na ltar bshad