[A:129b]pa dang / grub chen buddha shrI'i thugs dam ras bris la yang bzhugs tshul 'di bzhin du yod par grags pas bla ma de dag kyang yi ge 'di tshad mar byed pa gsal ba'i phyir dang / gang zag de tsam gyis tshad mar byas pas tshad mar mi 'gyur na ha cang thal ba las kyang ches thal ba yin pa'i phyir ro/ /zhes dang / rjes 'brang kha cig slob dpon rin po ches mtsho skyes 'grel par de dag kyang mnyam par brtsegs pa'i snying khar zhabs g.yas pa gnyis kyi mnan pa'o/ /rol mo'i tshul ni skyil krung phyed pa'o zhes dang / mtsho skyes dbang chog tu/ bdud bzhi brtsegs pa'i gdan la zhabs g.yas gnyis brkyangs/ g.yon gnyis bskum pa'i gar stabs kyis bzhugs pa zhes gsungs pas/ bzhugs tshul 'di dang mi mthun pa'i phyir rnam par ma dag go zhes smra bar grag go zhes man ngag gi gsal byed las bshad pa de 'gog pa'i lugs su byas nas lugs so sor ma phyed pa yin no zhes dang / rin chen 'bar bar lhag ma gar gyi tshul du bshad pa'i don yang / mdun ma gnyis g.yas brkyangs pa'i brla la g.yon bskum gyis sor mo sbyar ba dang lhag ma rgyab ma gnyis mdun ma
'di zla zer na med
lta bu'i gar stabs so zhes 'bru gnon du rung na slob dpon thams cad dgongs pa gcig par 'gyur bas shin tu legs kyi/ gzhan du na slob dpon 'di gnyis mi mkhas par thal ba'i skyon yod de rgyud dang mi mthun pa'i phyir ro zhe na/ shin tu mi 'thad de/ mdun rgyab gnyis bzhugs stabs mthun pa la dum bur byas nas mi mthun pa'i tshig gis bstan pa la dgos pa ci zhig yod ces zer